Almatyda polısıa qyzmetkerleri esirtki taratýǵa kúdikti áıeldiń áreketin toqtatty, dep habarlaıdy infohub.kz saıty.
Almaty polısıa departamenti Instagram-daǵy paraqshasynda 2,5 kg esirtki men júzdegen daıyn zakladkanyń tárkilengenin habarlady. Arnaıy operasıa Túrksib aýdanynda júrgizildi — polısıa málimetinshe, esirtki satý sqemasynda «qoıma» rólin atqarýy múmkin áıel ustaldy.
«Jeke tintý kezinde odan uıaly telefon tabyldy. Negizgi tabylǵan zattar kólikte boldy. Polıseıler quramynda esirtki bar 50 oramany, sondaı-aq untaq tárizdi zat salynǵan birneshe iri qaptamany tárkiledi. Tárkilengen zattardyń jalpy massasy 2,5 kg qurady. Sonymen qatar, zıp-paketter men ızolenta — esirtkini oraýǵa jáne odan ári satýǵa daıyndaýǵa qajettiniń bári tabyldy», — dedi polısıada.
Almaty PD-da ustalǵan áıeldiń buǵan deıin jasaǵan qoımalarynyń oryndaryn kórsetkenin qosty. Nátıjesinde jedel ýákilder esirtki zaty bar taǵy 150 oramany taýyp, tárkiledi.
«Aldyn ala málimetter boıynsha, ustalǵan áıel esirtkiniń zańsyz aınalymyna qatysqan. Onyń róli iri partıalardy qabyldaý, saqtaý, oraý jáne keıin kýrerlerge berý úshin "master-kladtar" daıyndaý boldy. Tárkilengen zattar sot saraptamasyna jiberildi», — dep naqtylady polısıada.
Osy fakti boıynsha qylmystyq is qozǵaldy.