Áleýmettik jelilerde dots_foto degen atpen tanymal almatylyq fotograf Dmıtrı Dosenko Alakólge jańa, ádemirek baǵytty kórsetti. Ol Jońǵar Alataýy taýlary arqyly, Úsharaldy aınalyp ótip, sondaı-aq Yrǵaıty ózeniniń shatqalyn, Qytaı shekarasyndaǵy Jalańashkól kólin jáne Tentek ózenindegi bógendi kórýdi usynady, dep habarlaıdy infohub.kz saıty.
Paıdalanýshylar pikirlerde fotografqa jańa ádemi sýretteri úshin alǵys bildirýde. «Sizben birge Qazaqstandy ashamyz!», «Mundaı kórinisterdi kórý múmkindigi úshin zor rahmet», «Sizdiń arqańyzda kópshiligimiz oısha birge saıahattaımyz. Sondaı ádemi jerlerdi kórsetesiz», — dep jazdy qazaqstandyqtar.
Sonymen qatar, pikir qaldyrýshylar taý arqyly ótetin joldyń jaǵdaıy Úsharal arqyly ótetin joldan áldeqaıda nashar ekenin, biraq kórinisteri keremet ekenin atap ótedi.
Buǵan deıin «Kýrsıv» bıylǵy jazda Alakól 2 mıllıonǵa jýyq týrıserdi — bir tutas megapolıstiń halqyn qabyldaýǵa daıyndalyp jatqanyn jazǵan bolatyn.