Almaty haıýanattar baǵynda kópten kútken oqıǵa boldy: Prjevalskı jylqysynyń Kýrbankúl atty bıesi qulyndady. Qulyndy Jelmaıa dep atady, bul anasynyń ekinshi tóli. Bul týraly infohub.kz saıty habarlady.
Haıýanattar baǵy aqbóken, aq aıý, aq ıyqty sýbúrkit jáne Prjevalskı jylqysyn saqtaý baǵdarlamalaryna qatysady. Qyzyl kitapqa engizilgen Prjevalskı jylqysynan tól alý – bul sırek túrdi bolashaq urpaqqa saqtaýǵa qosylǵan naqty úles, dep atap ótti haıýanattar baǵynda.
«Dál osy sebepti bizdiń jylqylar kelýshiler úshin jabyq «tynysh» aımaqta turady, olardyń tynyshtyǵyn eshnárse buzbaıdy. Qazir Kýrbankúl, Jelmaıa jáne ákesi Mereı bólek turady, mamandardyń qamqorlyǵyna bólengen», — delingen habarlamada.
Qulyn 14 maýsymda dúnıege kelgeni anyqtaldy. Prjevalskı jylqysy – Qazaqstannyń Qyzyl kitaby men Halyqaralyq tabıǵatty qorǵaý odaǵynyń (HTQO) Qyzyl tizimine engizilgen jabaıy jylqylardyń eń sırek túrleriniń biri.