31 shildeden bastap Almaty men Izmır arasynda tikeleı áýe qatynasy ashylady. SunExpress áýekompanıasynyń jańa baǵyty qalanyń halyqaralyq marshrýttyq jelisin keńeıtip, Qazaqstan men Túrkıa arasyndaǵy týrısik, iskerlik jáne mádenı baılanystardy damytýǵa qosymsha múmkindikter týǵyzady, dep habarlaıdy infohub.kz saıty.
Almaty ákimdiginiń málimetinshe, reıster aptasyna eki ret oryndalady. Izmırden seısenbi jáne juma kúnderi 2026 jyldyń qazan aıynyń sońyna deıin 189 jolaýshyǵa arnalǵan Boeing 737-800 ushaqtarymen ushý josparlanǵan. Izmırden ushý saǵat 21:00-de, Almatyǵa kelý kelesi kúni saǵat 05:00-de. Keri reıster Almatydan sársenbi jáne senbi kúnderi: ushý saǵat 06:25-te, Izmırge kelý saǵat 09:50-de.
Izmır — Túrkıanyń iri týrısik jáne ekonomıkalyq ortalyqtarynyń biri ári Egeı jaǵalaýynyń basty áýe qaqpasy. Tikeleı reıs eki qala arasyndaǵy saıahatty yńǵaıly etip, ózara týrısik aǵynnyń ósýine yqpal etedi. Ákimdik halyqaralyq marshrýttyq jelini keńeıtý Almaty týrızmin damytýdyń negizgi baǵyttarynyń biri bolyp qala beretinin atap ótti. Jańa tikeleı reıster qalanyń kóliktik qoljetimdiligin arttyryp, onyń Ortalyq Azıadaǵy jetekshi týrısik jáne áýe ortalyqtarynyń biri retindegi pozısıasyn nyǵaıtady.