Almatyda qarbyz satýshylar belgilenbegen oryndarda saýda jasaǵany úshin ákimshilik jaýapkershilikke tartylýy múmkin, dep habarlaıdy infohub.kz saıty.
Almaty qalalyq PD Qoǵamdyq qaýipsizdik basqarmasynyń bastyǵy Tımýr Nogaıbaev Óńirlik komýnıkasıalar qyzmetindegi brıfıńte máslıhat taýarlar men qyzmetterdi satýǵa ruqsat etilgen oryndardyń tizbesin bekitkenin túsindirdi. Qalada saýda jasaýǵa arnalǵan belgili bir núkteler bar, onyń ishinde qarbyz satýǵa da. Alaıda Naýryzbaı aýdanynda saýdaǵa ruqsaty joq jerlerde satý faktileri anyqtaldy.
Spıkerdiń aıtýynsha, mundaı áreketter abattandyrý erejelerin buzý bolyp tabylady, óıtkeni taýarlyq-materıaldyq qundylyqtar men qoqystar jınalady. Sonymen qatar, belgilenbegen jerlerde saýda jasaý da buzýshylyq bolyp sanalady. Buzýshylarǵa eskertý nemese aıyppul salynady.
Stıhıalyq saýdany anyqtaý jumystary tek bir aýdanda ǵana emes, búkil qala boıynsha júrgizilýde. Polısıa ruqsatsyz saýdany boldyrmaý úshin kún saıyn reıdter ótkizedi.
Tımýr Nogaıbaev qarbyz satýǵa ruqsat etilgen oryndardyń tizbesi bar ekenin, atap aıtqanda, bul bazarlar men saýda úıleri ekenin atap ótti.