Almaty turǵyndary turaqty keptelistermen kúresýdiń joldaryn belsendi túrde usynýda. Olardyń bir ıdeıasy — qaıtymdy qozǵalysty engizý. Bul shara qala jaǵdaıynda tıimdi bola ma? infohub.kz saıty anyqtady.
Qaıtymdy qozǵalys degenimiz — tańerteń joldyń bir bóligi bir baǵytta, al keshke qarama-qarsy baǵytta júredi. Almatylyqtardyń pikiri ekige bólindi: keıbiri bul jańashyldyq kómektespeıdi dese, endi biri ıdeıany qoldaıdy.
«Árıne kómekteser edi, sebebi tańerteń bir baǵytta, keshke qarama-qarsy baǵytta keptelis bolady»,
«Qysqa merzimge ǵana kómekteser edi, keıin keptelis bárinde bolady. Tek jeke kólikti shekteý jáne qoǵamdyq kólikti damytý ǵana keptelis máselesin sheshedi».
Óz kózqarasyn ýrbanıst, burynǵy jolaýshylar kóligi basqarmasynyń basshysy Dáýren Álimbekov bildirdi. Onyń pikirinshe, qala ishinde qaıtymdy qozǵalys tıimsiz. «Qala ishinde qaıtymdy qozǵalys tıimdi jumys istemeıdi. Avtobýs jolaqtary birneshe ese tıimdirek bolady. Qalaǵa kire beriste qaıtymdy qozǵalysty jasaýǵa bolady, óıtkeni tańerteń jáne keshke aǵyn aıqyn baıqalady», – dedi sarapshy.
Onyń aıtýynsha, qala jaǵdaıynda qaıtymdy qozǵalys úshin bir qosymsha jolaqtan artyq bólý qıyn. Sol jolaqty avtobýstarǵa berse, ony ótkizý qabileti áldeqaıda joǵary bolady, óıtkeni avtobýstar jeke kólikterge qaraǵanda áldeqaıda kóp jolaýshy tasymaldaıdy. Buǵan deıin Almatyda keptelispen kúresýdiń basqa da tásilderi týraly habarlanǵan bolatyn, olar kólik sanyn azaıtýdy kózdemeıdi.