Almatyda kóshelerdiń birinde joldyń ortasynda kólik tutanyp ketti. Órt sý shashatyn mashınanyń kómegimen sóndirildi, dep habarlaıdy infohub.kz saıty.
Almaty qalalyq polısıa departamentiniń málimetinshe, SOBR qyzmetkerleri qyzmettik mindetterin atqarý barysynda jolda jalyndap jatqan kólikti baıqaǵan. Olar dereý toqtap, qaýipti aımaqta qozǵalysty jaýyp, aınaladaǵylardyń qaýipsizdigin qamtamasyz etip, órt sóndirýge kirisken. Alaıda kádimgi órt sóndirgishpen otty tizgindeý múmkin bolmaǵan – jalyn qatty kúsheıip kele jatqan. Sonda polıseıler janynan ótip bara jatqan sý shashatyn mashınany toqtatyp, onyń sýyn paıdalanyp órtti sóndirgen.
Polısıa departamentinde atap ótkendeı, jaýyngerlerdiń batyl, saýatty ári úılesimdi is-áreketteriniń arqasynda órt qysqa merzimde sóndirildi. Eshkim zardap shekken joq, eń bastysy – órttiń taralýyna jáne aýyr zardaptarǵa jol berilmedi.