Almatyda tańerteń Túrksib aýdanynda órt shyqty. Qutqarýshylar qymbat tehnıkasy bar qoımanyń tolyq kúıip ketýine jol bermedi. Órtti órt sóndirý poıyzdarynyń kómegimen sóndirdi, dep habarlaıdy infohub.kz.
Órt Súıinbaı dańǵylyndaǵy qoımalar aýmaǵynda shyqqan. Tótenshe jaǵdaılar mınıstrliginiń habarlaýynsha, qurylys materıaldary saqtalǵan bir qabatty qoıma ǵımaraty janǵan. TJM-niń alǵashqy bólimsheleri kelgen kezde ashyq janý baıqalǵan.
İs-qımyldardy úılestirý úshin jedel shtab quryldy. Órt sóndirýge TJM, qalalyq Qutqarý qyzmeti, órt sóndirý poıyzdary, Apattar medısınasy ortalyǵynyń brıgadasy jáne basqa da jedel qyzmetter jumyldyryldy. Sýdy úzdiksiz jetkizý úshin TJM-niń órt sóndirý avtopoıyzy men QTJ-nyń órt sóndirý poıyzy tartyldy.
Órt sóndirýshilerdiń aıtýynsha, barlyq qyzmetterdiń jedel áreketiniń arqasynda kásipkerlerdiń taýarly-materıaldyq qundylyqtarynyń edáýir bóligin saqtap qalýǵa jáne ottyń kórshi qoımalar men jaqyn mańdaǵy nysandarǵa taralýyn boldyrmaýǵa múmkindik týdy.
Órt tolyǵymen sóndirildi. Zardap shekkender joq. Órttiń shyǵý sebebi anyqtalyp jatyr.