Almatynyń Túrksib aýdanyndaǵy jeke sektorda turǵyndar syrtqy túri tapanshaǵa uqsaıtyn zatqa tap boldy. Oqıǵa týraly habar túsken boıda oqıǵa ornyna jedel-tergeý toby bardy, dep habarlaıdy infohub.kz.
Almaty polısıa departamentiniń málimetinshe, zat alynyp, sot-ballıstıkalyq saraptamaǵa jiberilgen. Mamandar tabylǵan zattyń atys qarýy ekenin, onyń shyǵý tegin, tıesiligin jáne buryn jasalǵan quqyq buzýshylyqtarmen baılanysyn anyqtaıtyn bolady.
Polısıa atys qarýy nemese oǵan uqsas zattar tabylǵan jaǵdaıda olardy qolǵa alýǵa nemese óz betimen jyljytýǵa bolmaıtynyn eskertti. «Mundaı jaǵdaıda dereý 102 nómirine habarlasý qajet», — dedi vedomstvo ókilderi.