Almatyda jeńil relsti kólik (LRT) 2027 jyldyń sońynda iske qosylady. Bul týraly qalalyq Jol ınfraqurylymyn damytý basqarmasy habarlady. Qazir daıyndyq jumystary júrgizilýde, dep habarlaıdy infohub.kz.
Mamandar eski tramvaı relsteri men asfált jabynyn buzyp úlgerdi. Odan keıin jańa qalalyq kólik túriniń negizin salý josparlanýda.
LRT-diń birinshi jelisi Alataý aýdanyndaǵy ındýstrıalyq aımaqty megapolıstiń ortalyq bóligimen jáne Almaty-2 temirjol vokzalymen baılanystyrady. Marshrýttyń uzyndyǵy 18 shaqyrymdy quraıdy. 34 aıaldama qarastyrylǵan. Bir quram 285 adamǵa deıin syıdyra alady, al ortasha jyldamdyǵy saǵatyna 35 shaqyrymnan aspaıdy.
Astanadan aıyrmashylyǵy, almatylyq jeńil relsti kólik negizinen jer betimen júredi jáne kóp metrlik estakadalardy salýsyz kósheler boıymen ótedi. Onyń ereksheligi - áýe elektr jelileriniń bolmaýy.
«LRT qurylysy aıasynda qozǵalmaly quramdy áýe elektr jelilerimen jabdyqtamaýdyń zamanaýı sheshimderi qarastyrylýda. Atap aıtqanda, qozǵalmaly quram stansıalarda zarádtalatyn óz batareıalarynyń esebinen qozǵalady. Mundaı sheshimder áýe jelilerin boldyrmaý úshin, ıaǵnı aspan taza bolýy úshin qarastyrylýda», — dedi Almaty qalalyq Jol ınfraqurylymyn damytý basqarmasy basshysynyń orynbasary Asan Bostanov.