Almatyda jeńil relsti kólik (LRT) jelisiniń alǵashqy relsteri tósele bastady — qurylys alańynan túsirilgen kadrlar áleýmettik jelilerde tarady, dep habarlaıdy infohub.kz saıty.
Tıisti jazba Instagram jelisindegi lrt.almaty paraqshasynda jarıalandy. Beınejazbaǵa qysqasha ataý berilgen: «Almaty LRT-niń alǵashqy relsteri».
Buǵan deıin ákimdik birinshi jeliniń birinshi kezegi Alataý aýdanynyń ındýstrıalyq aımaǵynda, Móńke bı men B. Momyshuly kósheleriniń tusynda ornalasqan depodan bastalatynyn málimdegen. Odan ári trassa B. Momyshuly kóshesimen Tóle bı kóshesine deıin, sodan keıin Tóle bı kóshesimen shyǵys baǵytta Abylaı han dańǵylyna deıin, ári qaraı Abylaı han dańǵylymen Almaty-2 temirjol vokzalyna deıin jalǵasady. Sońǵy stansıa retinde «Raıymbek batyr» kólik-almasý toraby qarastyrylǵan.
Jelini iske qosý 2027 jyldyń sońyna josparlanǵan. Alaıda ákimdik atap ótkendeı, jobany júzege asyrýdyń naqty merzimi qajetti jyljymaly quramdy daıyndaý jáne jetkizý merzimderine baılanysty ózgerýi múmkin.
Sondaı-aq bir LRT quramy ońtústik astanada 285 jolaýshyny tasymaldaı alatyny habarlanǵan. Qozǵalystyń ortasha jyldamdyǵy 35 km/saǵ quraıdy.