Almatyda qatty jańbyrdan keıin júrgizýshiler dańǵyldardyń birinen ótýde úlken qıyndyqqa tap boldy — joldyń bir bóligi opyrylyp, birneshe kólik tereń shuńqyrǵa túsip qaldy. Aqaý joıylyp jatyr, dep habarlaıdy infohub.kz saıty.
kris_p_almata Instagram paraqshasynda habarlaǵandaı, túnde Almatyda Momyshuly dańǵylynda joldyń opyrylýynan keptelis paıda bolǵan.
«Jol jóndeý jumystarynan keıin joldyń bir bóligi opyrylyp, tereń shuńqyr paıda boldy. Birneshe kólik opyrylymǵa túsip, atalǵan ýchaskede qozǵalys qıyndady», — delingen jarıalanǵan beınejazbalardyń sıpattamasynda.
NUR.KZ tilshisi Almaty ákimdiginiń baspasóz qyzmetine túsinikteme surap habarlasty. Onda qalalyq jol ınfraqurylymyn damytý basqarmasynyń jaýaby berildi.
«LRT jobasyn iske asyrý aıasynda Momyshuly jáne Tóle bı kósheleriniń ýchaskelerinde ınjenerlik jelilerdi qaıta jabdyqtaý jumystary júrgizildi. Qatty jaýyn-shashynǵa baılanysty jekelegen ýchaskelerde topyraq shógip, kólik qozǵalysynyń qıyndaýyna ákep soqty. Qazirgi tańda merdiger uıym kólik qaýipsiz júrýi úshin negizdi tyǵyzdaý men ýaqytsha shara retinde frezerlengen asfáltbetondy qoldanýdy qamtıtyn qalpyna keltirý jumystaryn júrgizýde», — dep sendirdi basqarmada.
Asfáltbeton jabyn aýa raıy turaqtanǵannan keıin qalpyna keltiriletini atap ótildi.