Almaty Museum of Arts birinshi týǵan kúnine oraı 12 qyrkúıekte saǵat 11:00-den 21:00-ge deıin kirý tegin bolady. Qonaqtarǵa art-is-sharalar, sheberhanalar, performans jáne mýzykalyq qoıylym daıyndalǵan, dep habarlaıdy infohub.kz.
Saǵat 11:30-dan 20:00-ge deıin kelýshiler «Murajaıǵa tilek» art-aksıasyna qatysa alady. Kúni boıy Aşyq Şeberhana alańdarynyń ekeýi de jumys isteıdi. Saǵat 12:00-den 14:00-ke deıin jáne 16:00-dan 18:00-ge deıin «Arman kórmesi» ótedi, al dál osy ýaqytta qonaqtardy «Sıaly shedevrlerge» shaqyrady.
Saǵat 14:30-dan 16:30-ǵa deıin Saıd Atabekov pen Arystanbek Shalbaevtyń kórkemdik performansy ótedi. Baǵdarlamany elektronıka elementteri bar «Roksonaki» etno-fújn tobynyń qoıylymy aıaqtaıdy. Konsert saǵat 17:00-den 20:30-ǵa deıin ótedi.
Sonymen qatar, 8 qyrkúıekte Almaty Museum of Arts-ta «Músinder: Qazaqstan músin óneri 1950-jyldardan búginge deıin» kórmesi ashyldy. Tolyq aqparat pen eksponattardyń fotosýretterin silteme boıynsha kóre alasyz. Taǵy 12 qyrkúıekten 12 qazanǵa deıin Ál-Farabı aýdıtorıasynda amerıkandyq sýretshi Krıstıan Markleıdiń «Saǵat» (The Clock) atty 24 saǵattyq vıdeoınstallásıasy kórsetiledi. Osyǵan oraı belgili kúnderi alań táýlik boıy jumys isteıdi.
Eske salaıyq, Almaty Museum of Arts kelýshiler úshin esigin 2025 jyldyń 12 qyrkúıeginde resmı túrde ashty. Ortalyq Azıadaǵy tuńǵysh zamanaýı óner murajaıyn kolleksıoner jáne mesenat Nurlan Smaǵulov qurdy. Ǵımaratty brıtandyq Chapman Taylor sáýlet búrosy jobalaǵan, al qurylys 2022 jyldan bastap júrgizildi.
Ashylýyna deıin-aq murajaı men onyń eksponattary almatylyqtardyń qyzyǵýshylyǵyn týdyrǵan. Aldymen turǵyndardy Ál-Farabı men Nazarbaev dańǵyldarynyń qıylysyndaǵy alyp qyz basy tańǵaldyrdy. Keıin Smaǵulov jubaıymen birge «Nades» músinin murajaıdyń alǵashqy eksponaty retinde saltanatty túrde ashty. Bul týyndynyń atyn qalaı alǵany jáne úsh teńiz arqyly Almatyǵa qalaı jetkeni týraly siltemedegi reportajda oqı alasyz.