TJM tikushaǵy zardap shekken qyzdy Býkreev shyńynan evakýasıalady, ol 3010 metr bıiktikte jartastan qulaǵan, dep habarlaıdy infohub.kz.
Oqıǵa Býkreev shyńy mańynda teńiz deńgeıinen 3010 metr bıiktikte oryn aldy. Qazaqstan Respýblıkasy Tótenshe jaǵdaılar mınıstrliginiń «Barys» respýblıkalyq qutqarý qyzmeti men Almaty qalasy Tótenshe jaǵdaılar departamentiniń qutqarý qyzmeti izdeý-qutqarý jumystaryn júrgizý úshin oqıǵa ornyna keldi.
Aldyn ala derekter boıynsha, qyz jartastan qulap, bas jaraqatyn alyp, óz betinshe qozǵalý múmkindiginen aıyrylǵan. Qutqarýshylar kelgenge deıin oǵan kýágerlerdiń biri alǵashqy medısınalyq kómek kórsetken.
Zardap shekken qyzdy qaýipsiz evakýasıalaý úshin «Qazavıaspas» aksıonerlik qoǵamynyń tikushaǵy jumyldyryldy. Qutqarýshylar qyzdy áýe kóligimen «Medeý» tikushaq alańyna jetkizip, ony ári qaraı medısınalyq kómek kórsetý úshin Tótenshe jaǵdaılar mınıstrliginiń Apattar medısınasy ortalyǵynyń brıgadasyna tapsyrdy.