Almaty oblysynda áleýmettik turǵyn úıge bólingen 101 mln teńgeni jymqyrǵan qylmystyq istiń úsh fıgýranty sot aldyna otyrdy, dep habarlaıdy infohub.kz saıty.
NUR.KZ aımaqtyq prokýratýraǵa silteme jasap habarlaǵandaı, tıisti aqparat vedomstvonyń resmı saıtynda jarıalanǵan.
Raıymbek aýdanynyń prokýratýrasy áleýmettik osal azamattarǵa turǵyn úı satyp alýdyń zańdylyǵyna taldaý júrgizdi. Taldaý aıasyna 2019–2024 jyldar aralyǵynda jalpy somasy 596 mln teńgeden asatyn 55 turǵyn úı satyp alýǵa baılanysty memlekettik satyp alýlar kirdi.
Tekserý barysynda turǵyn úı qunyn asyra baǵalaý, odan keıin búdjet qarajatyn qolma-qol aqshaǵa aınaldyryp, qatysýshylar arasynda bólý sqemasy anyqtaldy.
Sotqa deıingi tergeý aıasynda memleketke keltirilgen shyǵyn 101,4 mln teńge bolyp belgilendi.
2026 jylǵy 5 tamyzdaǵy sot úkimimen úsh fıgýrant Qazaqstan Respýblıkasy Qylmystyq kodeksiniń 189-baby (bótenniń senip tapsyrylǵan múlkin ıemdený nemese ysyrap etý) boıynsha kináli dep tanyldy. Olarǵa 7 jyldan 8 jylǵa deıin bas bostandyǵynan aıyrý jazasy taǵaıyndalyp, tıisti laýazymdardy ómir boıy atqarý quqyǵynan aıyryldy.
Úkim áli zańdy kúshine enbegeni atap ótildi.