Almaty oblysynda alqabıler soty kúıeýin óltirdi dep aıyptalǵan áıelge qatysty aqtaý úkimin shyǵardy. Qaıǵyly oqıǵa 2026 jyldyń 1 mamyrynda bolǵan, dep habarlaıdy infohub.kz.
Almaty oblysynyń qylmystyq ister jónindegi mamandandyrylǵan aýdanaralyq sotynyń baspasóz qyzmetiniń málimetinshe, erli-zaıyptylar arasynda turǵylyqty jeri boıynsha janjal shyqqan. Janjal barysynda áıel kúıeýine as úı pyshaǵymen júrek tusynan bir ret soqqy jasaǵan, sonyń saldarynan ol oqıǵa ornynda qaıtys bolǵan. Oǵan Qazaqstan Respýblıkasy Qylmystyq kodeksiniń 99-babynyń 1-bóligi (kisi óltirý) boıynsha aıyp taǵylǵan.
Qylmystyq is alqabıler alqasynyń qatysýymen qaraldy. Sot talqylaýy barysynda taraptar usynǵan barlyq dáleldemeler jan-jaqty jáne obektıvti túrde zertteldi. İsti qaraý qorytyndysy boıynsha alqabıler aıyptalýshynyń taǵylǵan qylmysty jasaýda kinásizdigi týraly úkim shyǵardy. Osy úkimniń negizinde sot K.-ny taǵylǵan aıyp boıynsha kinásiz dep tanyp, aqtaý úkimin shyǵardy.
Sot sondaı-aq aqtalǵan áıelge qatysty buryn tańdalǵan kúzetpen ustaý túrindegi bultartpaý sharasyn kúshin joıdy. Jábirlenýshi taraptyń moraldyq jáne materıaldyq zıandy óndirip alý týraly azamattyq talaby qanaǵattandyrylmaı qaldy. Prosestik shyǵyndar memleket esebine jatqyzyldy.
Úkim zańdy kúshine enbegen jáne zańda belgilengen tártippen shaǵymdalýy múmkin.