Almaty oblysynda úıden qashyp, Qaraǵandyda turyp jatqan 17 jastaǵy qyzdyń ata-anasyna qatysty shara qoldanyldy. Jasóspirimniń ózine de shara qoldanylady, dep habarlaıdy infohub.kz saıty.
KTK telearnasynyń dereginshe, 17 jastaǵy qyzdyń jýyrdaǵy qashýynan keıin otbasyna quqyq qorǵaýshylar, polıseıler, sheneýnikter men psıhologtan quralǵan arnaıy delegasıa bardy. Sapardyń maqsaty — balanyń úıden ketýiniń shynaıy sebepterin anyqtaý boldy.
Áńgime barysynda jasóspirimniń ózi bólek jáne óz betinshe turǵysy kelgenin aıtty.
«Biz qyzdy da, jalpy otbasyn da baqylaýǵa alamyz: únemi monıtorıń júrgizip otyramyz. Keńeıtilgen, alqaly túrde qarastyramyz, al komısıa durys dep tapqan jaǵdaıda ǵana ony kámeletke tolmaǵandardy beıimdeý ortalyǵyna ornalastyramyz», — dedi Qarasaı aýdany ákiminiń orynbasary Azamat Jandosov.
Arnaıy komısıanyń saparyna qyzdyń anasy onsha qýanǵan joq. Al jýrnalıserge qyzynyń betin kórsetýge tyıym saldy. Oqıǵadan keıin otbasy esepke qoıylady. Qazir bala quqyqtaryn qorǵaýshylar qyzdyń bilimin jalǵastyrý máselesin sheship jatyr.
«Balanyń jaǵdaıynyń jaqsy ekenine óz kózimizben kóz jetkizý úshin dereý keldik. Endi búkil komısıa bolyp qyzdyń mamandyǵy boıynsha odan ári oqýy máselesin qarastyramyz. Sonymen qatar jasóspirimmen psıhologtar jumys isteıdi», — dep atap ótti Almaty oblysynyń bala quqyqtaryn qorǵaý basqarmasynyń bas mamany Madıar Sharapov.
Eske salaıyq, 17 jastaǵy qyz 21 shildege qaraǵan túni joǵalyp ketken. Ol zattaryn jınap, jınaqtaryn alyp, Almaty oblysyndaǵy Dolan aýylyndaǵy úıinen shyǵyp ketken. Jýyrda jasóspirimniń tabylǵany belgili boldy. Ol osy ýaqyt boıy Qaraǵandyda bolǵan — jekemenshik balabaqshada kútýshi bolyp jumys istep, páter jaldap turǵan.