Buǵan deıin Qonaevta toptasyp zorlaý týraly aryzdanǵan Reseı Federasıasynyń azamaty beıneúndeý jazyp, ony Threads áleýmettik jelisinde jarıalady. Qyz óz málimdemesinde qylmysqa polısıa qyzmetkerleriniń qatysy bar degen burynǵy sózderin joqqa shyǵardy, dep habarlaıdy infohub.kz saıty.
Sheteldiktiń aıtýynsha, ol buryn taratqan shabýyldy tártip saqshylary jasady degen aqparat shyndyqqa sáıkes kelmeıdi.
«Maǵan qorqynyshty qylmys jasaldy, ózderin polısıa qyzmetkerimiz dep tanystyrǵan eki er adam meni zorlady. Men adastyryldym. Tergeý olardyń bireýi buryn sottalǵan adam bolyp shyqqanyn anyqtady... Búginde maǵan jamandyq jasaǵan adamdar ustaldy. Polısıanyń aldynda keshirim suraımyn, maǵan durys emes aqparat berilgen eken», — dedi ol.
Qyz polısıanyń obektıvti tergeý júrgizip jatqanyn, al onyń quqyǵyn advokat qorǵap júrgenin qosty.
Eske salaıyq, buǵan deıin 28 jastaǵy sheteldik áıel Qonaevta jergilikti polısıa qyzmetkerleri toptasyp zorlady dep málimdegen bolatyn. Almaty oblysy polısıa departamenti bul derek boıynsha qylmystyq is qozǵalyp, eki kúdikti ustalǵanyn habarlady. Keıin vedomstvo ustalǵandar polısıa qyzmetkerleri emes ekenin qosty.