Almaty oblysynda sýdaǵy Formula-1 H2O pılottarynyń akademıasy men sporttyq katerler shyǵaratyn zaýyt ashý josparlanýda. Aldaǵy bes jylda Qapshaǵaı sý qoımasynda halyqaralyq Formula-1 H2O chempıonatynyń kezeńderi ótedi, dep habarlaıdy infohub.kz saıty.
Almaty oblysy ákimdiginiń málimetinshe, Qonaev qalasynda sporttyq sý tehnıkasynyń pılottaryn daıyndaıtyn akademıa ashý kózdelýde. Sondaı-aq, onda osyndaı jarystarǵa arnalǵan katerler shyǵaratyn zaýyt salynady.
«Biz halyqaralyq chempıonattyń Ortalyq Azıada keńinen damýyn qalaımyz. Sondyqtan álemdegi eń iri sý jarystaryn sý týrızmi salasyndaǵy áleýeti keńinen tanymal Qonaev qalasynda ótkizý týraly sheshim qabyldadyq», — dedi H2O Racing kompanıasynyń ókili Raımondo dı San Djermano.
Ákimdikte chempıonattyń ótkizilýi aımaqqa týrıserdi tartady dep esepteıdi. Taıaý bolashaqta álemdik jarystarda el namysyn qorǵaıtyn Qazaqstan quramasy qurylady.
Akademıanyń qansha pılot qabyldaı alatyny, qurylysy qashan bastalatyny jáne bolashaq keshenniń qandaı bolatyny týraly ákimdik ázirge habarlaǵan joq. Ázirge bul — tek jospar.
Eske salaıyq, bıyl Formula-1 H2O kezeńi Qyrǵyzstandaǵy Ystyqkól kólinde ótti. Jarys kezinde uıymdastyrýshylar 2027 jylǵy álem chempıonaty Qapshaǵaı sý qoımasynda ótetinin resmı túrde málimdedi.
Buǵan deıin Kursiv LifeStyle Netflix «Formýla-1» jarystaryn tikeleı efırde kórsete bastaǵanyn jazǵan edi.