Almaty oblysyndaǵy «Shalqode», «Shubartal», «Baıynkól» jáne «Kókkemer» jaılaýlaryna 95 km jol tartylady. Keıbir ýchaskeler osy jyldyń sońyna deıin tapsyrylsa, qalǵan jobalar 2027 jylǵa qaraı aıaqtalady, dep habarlaıdy infohub.kz saıty.
«Kókkemer» jaılaýyna kireberistegi 21 shaqyrymdyq jol ýchaskesine ortasha jóndeý júrgizilip jatyr. Jumysqa 10 tehnıka men 25 maman jumyldyryldy. Búginde jumystyń 30%-y oryndaldy, jóndeýdi kelesi jyly bitirý josparlanyp otyr.
«Kókkemer» jaılaýyna asfált tóselýi teńiz deńgeıinen 3,6 myń metr bıiktikte ornalasqan «Tekes» sarqyramasyna barar joldy da jeńildetpek.
Ataqty «Shalqode» jaılaýyna kireberistegi joldy ortasha jóndeý uzyndyǵy 32,5 km. 26 km jol asfált tóseýge daıyn, 10 sý ótkizý qubyry aýystyrylyp, 4 km asfált jabyndysy tóseldi. Abattandyrý jartysynan astamy oryndaldy, tolyq jóndeý jyl sońyna deıin bitedi.
«Shubartal» jaılaýy da týrızmdi damytý úshin aıtarlyqtaı áleýetke ıe. Munda uzyndyǵy 28,5 km jol salynyp jatyr», — dedi ákimdikte.
«Baıynkól» ańǵaryna 13 shaqyrymdyq jol ýchaskesi tartylýda. Rekonstrýksıa 30%-ǵa aıaqtaldy. Jol boıyna turaqtar jasalady. Jobany aıaqtaý 2027 jylǵa josparlanǵan.
Oblys ákimdiginde jobalardyń júzege asýy óńirdegi týrızmniń damýyna serpin beretinine senimdi.
Buǵan deıin «Kýrsıv» týrıserge Almatynyń eń kórikti jerleriniń birine barý qıyndaıtynyn jazǵan bolatyn.