Almaty oblysynda taýǵa saıahattaý kezinde er adam bas jaraqatyn alyp, oǵan qutqarýshylar men dárigerlerdiń kómegi qajet boldy, dep habarlaıdy infohub.kz saıty.
TJM baspasóz qyzmetiniń málimetinshe, oqıǵa Terra alańynyń mańynda, teńiz deńgeıinen 2610 metr bıiktikte bolǵan. Er adam jartastan qulap, jyraǵa túsken. Qutqarýshylarǵa júgingen adam qulaǵannan keıin zardap shegýshiniń esinen tanyp qalǵanyn aıtqan.
Qutqarý jumystaryn júrgizý úshin oqıǵa ornyna QR TJM «Barys» respýblıkalyq qutqarý jasaǵynyń jáne Almaty qalasy ákimdiginiń monıtorıń jáne jedel den qoıý ortalyǵynyń qutqarýshylary jiberildi.
«Qutqarýshylar Prohodnoe shatqaly arqyly taý marshrýtymen jaıaý ótýge májbúr boldy. Zardap shegýshige jetken olar ony jyradan taýyp, dereý alǵashqy medısınalyq kómek kórsetti. Qulaý saldarynan er adam tasqa soǵylyp, bas jaraqatyn alǵan. Qutqarýshylar onyń jaǵdaıyn turaqtandyryp, evakýasıaǵa daıyndady», — dedi vedomstvoda.
Zardap shegýshi taýly aımaqtan qaýipsiz shyǵarylyp, ony apattar medısınasy ortalyǵynyń qyzmetkerlerine tapsyryp, odan ári tekserý jáne qajetti kómek kórsetý úshin №12 qalalyq klınıkalyq aýrýhanaǵa jetkizdi.
TJM Instagram-da izdeý-qutqarý operasıasynyń qalaı ótkenin kórsetti.