Almaty qalalyq ortalyq klınıkalyq aýrýhanasynda medısınalyq kórsetilimder bolǵan jaǵdaıda ÁMS jáne TMKKK sheńberinde omyrtqaǵa jasalatyn kúrdeli otalar tegin júrgiziledi. Aralasý kezinde robot-assıstenttik tehnologıalar men neıronavıgasıa júıesi qoldanylady, dep habarlaıdy infohub.kz saıty.
Aýrýhanada, atap aıtqanda, transpedıkýlárlyq burandalar ornatý arqyly omyrtqa kanalynyń dekompressıasy jasalady. Neıronavıgasıa jáne robot-assıstenttik tehnologıalar dárigerlerge aralasýdy dálirek josparlaýǵa jáne ımplanttardy ornatýǵa múmkindik beredi.
Mundaı joǵary tehnologıalyq otalardy aqyly negizde jasatqanda quny 5 mln teńgege jetýi múmkin.
Vedomstvo ota qajettiligi týraly sheshimdi dárigerler medısınalyq kórsetilimder negizinde qabyldaıtynyn atap ótti. Eger sheshim qabyldansa, onda adamǵa ota ÁMS jáne TMKKK sheńberinde tegin jasalady.
Aýrýhanada mundaı aralasýlar omyrtqa men júıke júıesiniń aýyr aýrýlary bar pasıentterge júrgiziledi.
Osyndaı otalardy jasaıtyn neırohırýrgterdiń biri — Marat Almatov. Ol Almaty qalalyq ortalyq klınıkalyq aýrýhanasynda 20 jyldan astam jumys isteıdi jáne osy ýaqyt ishinde myńnan astam pasıentke ota jasaǵan.
Buǵan deıin Qazaqstanda ÁMS júıesindegi jalǵan jazbalarmen jańasha kúresetini belgili bolǵan edi. Buǵan kúdikti sqemalardy anyqtap, tólemderdi buǵattaıtyn jańa sıfrlyq platforma kómektesýi tıis. Atap aıtqanda, eger buryn negizgi jumys aqsha aýdarylǵannan keıin buzýshylyqtardy anyqtaýǵa qurylǵan bolsa, endi jańa model qarajat aýdarylǵanǵa deıin aýytqýlardy anyqtaıtyn bolady.