Almatynyń Alataý aýdanynda eki jeke turǵyn úıde bir mezgilde órt shyqty. Órt sóndirýshiler jalyndy basqa ǵımarattarǵa taratpaı, ony aýyzdyqtap, sóndirýge eki saǵattan astam ýaqyt jumsady, dep habarlaıdy infohub.kz saıty.
Oqıǵa 12 tamyzda Raıymbek dańǵylynda boldy. Almaty polısıa departamenti baspasóz qyzmetiniń málimetinshe, oqıǵa ornyna jedel jetken órt sóndirý esepteri órtti barlap, sóndirýge kiristi. Mamandar, onyń ishinde áýe tehnıkasyn qoldana otyryp, jaǵdaıdy baǵalap, jalynnyń taralýyn boldyrmaýǵa kúsh saldy.
Órt sóndirýshiler jalynmen kúresip jatqanda, ýchaskelik ınspektorlar mańaıdaǵy úılerdiń turǵyndaryn evakýasıalaýdy uıymdastyrdy. Patrúldik polıseıler irgeles aýmaqta qaýipsizdikti qamtamasyz etip, kólikterdi qaýipsiz qashyqtyqqa alyp ketti. Órtpen kúres eki saǵattan astam ýaqytqa sozyldy. Basty mindet — jalynnyń kórshi ǵımarattarǵa aýysýyna jol bermeý.
Nátıjesinde órt tolyǵymen sóndirildi. Zardap shekkender joq. Órt aýdany men sebebi anyqtalýda. Oqıǵanyń mán-jaıyn tıisti qyzmetter anyqtap jatyr.