Almatydaǵy turǵyn úı keshenderiniń birinde bolǵan órt saldarynan alty jasar qyz qaıtys boldy. Bul týraly qaıtys bolǵan qyzdyń kórshileri men qazaqstandyq telearnalar habarlady, dep málimdeıdi infohub.kz saıty.
Keshe Almatydaǵy turǵyn úı keshenderiniń birinde órt bolǵany belgili boldy. Dárigerlerdiń reanımasıalyq sharalaryna qaramastan, zardap shekkenderdiń biri qaıtys bolǵany aıtyldy.
KTK telearnasynyń saıtynyń málimetinshe, qazir úı ishinde eshkim joq. Kireberisterdiń janynda polısıa qyzmetkerleri kezekshilik etip tur. Olar tek turǵyndardy ǵana kirgizip, qajetti zattaryn alýǵa ruqsat beredi. Bógde adamdarǵa kirýge tyıym salynǵan, órttiń sebebin anyqtaý jumystary jalǵasýda. «Alty jasar qyzdy esinen tanyp jatqan kúıinde tapty. Dárigerler ony qutqarýǵa tyrysty, biraq sátsiz aıaqtaldy. Sondaı-aq alty adam dárigerlerge júgingen», — dep habarlaıdy telearna.
«Astana» telearnasy da kýágerlerdiń balanyń qaıtys bolýy týraly aıtqanyn habarlaıdy. «Qaıtys bolǵan qyzdyń jasy 6-da edi. Ol jedel járdem kóliginde qaıtys boldy, meniń qyzym onymen sóılesken. Biz, bizdiń otbasy osy turǵyn úı kesheninen sońǵy bolyp shyqtyq. Bizdi taba almady, óıtkeni bári tútinge toly edi. Biz týystarymyzben qoshtasyp qoıǵanbyz. Óıtkeni esimizdi joǵalta bastadyq. Al jedel járdem kóliginde esimizdi jıdyq», — dedi úı turǵyny Zlata Stepanova.
Eske salaıyq, Almaty qalalyq qoǵamdyq densaýlyq saqtaý basqarmasy basqa zardap shekkenderdiń jaǵdaıy týraly da habarlaǵan bolatyn.