26 shildede Almaty-Óskemen tas jolynda úsh kólik qatysqan iri jol apaty boldy. Saldarynan jaraqattanǵandar bar, dep habarlaıdy infohub.kz.
Apat avtojoldyń 474-shi shaqyrymynda boldy. Aldyn ala málimetter boıynsha, Kia Sportage kóliginiń júrgizýshisi qarsy jolaqqa shyǵyp, Toyota Highlander-men soqtyǵysqan. Soqtyǵystan keıin bir baǵytta kele jatqan Lexus kóligimen taǵy bir soqtyǵys oryn aldy.
«Aldyn ala derekter boıynsha, Kia Sportage avtokóliginiń júrgizýshisi qarsy jolaqqa shyǵyp, Toyota Highlander avtokóligimen soqtyǵysqan, odan keıin bir baǵytta kele jatqan Lexus kóligimen soqtyǵysqan», – dep habarlady polısıa.
Oqıǵa ornynda polısıa qyzmetkerleri, TJM bólimsheleri men jedel járdem brıgadalary jumys isteýde. Jaraqattanǵandardyń sany naqtylanyp jatyr, dárigerler zardap shekkenderdiń barlyǵyna qajetti kómek kórsetýde.
«Tekserý qorytyndysy boıynsha qoldanystaǵy zańnamaǵa sáıkes prosesýaldyq sheshim qabyldanady», – dep qosty polısıa.