Almatylyq turǵyn ózen boıynda serýendep júrip, qarýǵa uqsas zattar salynǵan qapty taýyp aldy. Bul týraly NUR.KZ jáne Almaty qalalyq polısıa departamentine silteme jasaǵan infohub.kz habarlaıdy.
Almaty polısıa departamentiniń málimetinshe, oqıǵa qalanyń Túrksib aýdanynda bolǵan. Joldan ótip bara jatqan er adam qarýǵa uqsas zattar salynǵan qapty baıqap, birden 102 púltine habarlaǵan. Oqıǵa ornyna jedel tergeý-jedel toby kelip, qaýipti zat qajetti qaýipsizdik sharalarymen alynǵan.
Alynǵan zattar sot-ballıstıkalyq saraptamaǵa jiberilgen. Túrksib aýdany polısıa qyzmetkerleri olardyń shyǵý tegi men tıesiligin anyqtap, buryn jasalǵan qylmystarmen baılanysyn tekseretini málim boldy.
Almaty polısıasy qyraǵy azamatqa alǵys bildirip, dál osyndaı ýaqtyly habarlamalar yqtımal qaýipterdiń aldyn alýǵa jáne qoǵamdyq qaýipsizdikti qamtamasyz etýge múmkindik beretinin atap ótti.