Almatyda patrúldik polısıa qyzmetkerleri toqtaý talabyn oryndamaǵan Toyota Camry kóliginiń júrgizýshisin qýǵynǵa saldy, dep habarlaıdy infohub.kz saıty.
Almaty qalalyq polısıa departamentiniń Instagram paraqshasynda málim etkendeı, túngi saǵat eki shamasynda patrúldik ekıpaj Tóle bı dańǵyly men Áýezov kóshesiniń qıylysynan ótip bara jatqan Toyota Camry júrgizýshisinen toqtaýdy talap etken. Alaıda er adam talapty elemeı, qashyp ketpek bolǵan. Sóıtip qýǵyn bastaldy.
«Júrgizýshi kólikti tuıyq jolǵa buryp, kóligin tastap, jaıaý qashýǵa árekettendi. Polıseıler ony dereý qorshaýǵa alyp, ustady. Mundaı árekettiń sebebi medısınalyq kýálandyrý kezinde anyqtaldy: er adam kólikti аlkogóldik masań kúıde basqarǵan. Saraptama ortasha dárejeni anyqtady», — dep atap ótti polısıada.
Júrgizýshige qatysty zańda kózdelgen sharalar qoldanylǵany belgili.
Almaty polısıa departamenti sońǵy eki táýlikte qalada kólikti masań kúıde basqarǵan 31 júrgizýshiniń ustalǵanyn qosty.