Áleýmettik jelilerde Almaty oblysynyń bir aýdanynyń prokýrory Almatydaǵy oıyn-saýyq ornynda ustaldy degen aqparat tarap, bul oqıǵaǵa qalalyq polısıa resmı túsinikteme berdi, dep habarlaıdy infohub.kz saıty.
Habarlama Threads áleýmettik jelisinde paıda boldy. Jarıalanym avtorynyń tujyrymynsha, Almaty oblysy Eńbekshiqazaq aýdany prokýratýrasynyń aǵa prokýrory Almatydaǵy oıyn-saýyq oryndarynyń birindegi oqıǵadan keıin ýaqytsha ustaý ızolátoryna qamalǵan.
«Аlkogóldik masań kúıde Almatydaǵy oıyn-saýyq ornynda qoǵamdyq tártipti buzdy, sondaı-aq polısıa qyzmetkerleriniń zańdy talaptaryna baǵynbady, osyǵan baılanysty ustaldy», — delingen jazbada.
Sonymen qatar jarıalanymda ustalǵan adamnyń sońynda bosatylǵany boljanady.
Osy jarıalanymnyń astyndaǵy pikirlerde Almaty polısıa departamenti atalǵan fakti boıynsha «102» púltine qaladaǵy bir mekemedegi janjaldy jaǵdaı týraly habarlama túskenin málimdedi.
«Oqıǵaǵa qatysýshylar Almaly aýdanynyń polısıa basqarmasyna jetkizildi. Osy fakti boıynsha tekserý júrgizilip, onyń nátıjesi boıynsha tıisti sheshim qabyldanady», — dedi polısıada.
NUR.KZ tilshisi de Almaty oblysynyń prokýratýrasynan túsinikteme surap habarlasty.