Almatyda temirjol ótkelinde lokomotıv KamAZ-ben soqtyǵysyp, júk kóliginiń júrgizýshisi aýrýhanaǵa jatqyzyldy, dep habarlaıdy infohub.kz saıty.
Jol-kólik oqıǵasy qalanyń Túrksib aýdanynda boldy. Aldyn ala málimetter boıynsha, KamAZ júrgizýshisi manevr jasaý kezinde temirjol ótkeline shyǵyp ketken. Sol jerde júk kóligi toǵyz vagonnan turatyn qurammen kele jatqan lokomotıvpen soqtyǵysqan.
«Oqıǵa saldarynan KamAZ júrgizýshisi jaraqat alyp, medısınalyq mekemege jetkizildi. Júk kóligi qatty mehanıkalyq zaqym aldy», — delingen polısıa departamentiniń habarlamasynda.
Oqıǵa faktisi Túrksib aýdanynyń polısıa basqarmasynda tirkelgen. Oqıǵa ornynda polısıa qyzmetkerleri jumys istep, qarap-tekserý júrgizip, avarıa sqemasyn jasady. Barlyq mán-jaılar anyqtalýda.
Polısıa temirjol ótkelderiniń qaýiptiligi joǵary aımaqtarǵa jatatynyn eske saldy: «Temirjol ótkeli — qaýiptiligi joǵary aımaq, munda bir qateliktiń baǵasy tym qymbat bolýy múmkin. Júrgizýshiler temirjol joldarynan ótý erejelerin qatań saqtap, ótkelderden ótkende barynsha muqıat bolýlary qajet».