Almatyda jańa turǵyn úılerdiń qabattylyǵyna qatysty shekteýlerdi qatańdatý máselesi qarastyrylýda: keıbir aýdandarda alty qabattan bıik ǵımarattarǵa tyıym salynýy múmkin. Bul týraly Almaty qalasy ákimdiginiń komýnıkasıalar qyzmetinde ótken brıfıńte sáýlet jáne qala qurylysy basqarmasy basshysynyń orynbasary Danıar Álimseıtov málimdedi, dep habarlaıdy infohub.kz saıty.
Jýrnalıser qalada Abaı jáne Ál-Farabı dańǵyldary aralyǵynda toǵyz qabattan bıik úıler salýǵa tyıym salynǵanyn eske saldy. Kópfýnksıonaldy ǵımarattar úshin erekshelik jasalǵan, eger olardyń qoǵamdyq mańyzdylyǵy men jobalyq sheshimderiniń turaqtylyǵy negizdelse. BAQ ókilderi osyndaı nysandardyń sanyna shekteý bar-joǵyn jáne qabattylyq shekteýin Almatynyń basqa aýdandaryna taratý josparlanyp otyrǵanyn surady.
«Iá, ondaı másele bar, biraq ol úshin qala qurylysy keńesinen ótip, barlyq máselelerdi talqylap, tıisti tehnıkalyq jabdyqtaýdy qamtamasyz etý qajet. Sondaı-aq osy máselelerdi rastaıtyn tehnıkalyq qujattama kerek. Sonymen qatar nysannyń biregeıligin negizdeý qajettiligi týyndaıdy. Biraq kóbinese toǵyz qabattan bıikke ruqsat etilmeıdi», — dedi Danıar Álimseıtov.
Sonymen qatar ol jańa úılerdiń qabattylyǵyna qatysty jańa shekteýler engizý josparlary týraly aıtty. «Abaı (dańǵyly — red. esk.) joǵarysynda toǵyz qabattan ári qaraı tómendetý qarastyrylýda, biraq bul másele ázirge qaralý ústinde. (...) Jalpy, ıá, shekteý josparlanýda, biraq ázirge ázirlenýde. Qashan sheshiletinin naqty aıta almaımyn, biraq ulǵaıtý emes, azaıtý jaǵy qarastyrylýda. Shamamen alty (qabat — red. esk.) shamasynda», — dep túsindirdi spıker.