Almatynyń Áýezov aýdanynda qazan aıynyń sońyna deıin jańa QADAM skveri ashylady — 0,35 ga aýmaqty alatyn qoǵamdyq keńistik Saıyn men Ulyqbek kósheleriniń qıylysyndaǵy burynǵy avtoturaq ornynda paıda bolady, dep habarlaıdy infohub.kz saıty.
Aýmaqta balalar alańy, júgirý joly, syrǵanaý jáne parkýr aımaqtary, sondaı-aq serýendeý keńistikteri salynady. Bólek ártúrli tabıǵı jabyndardan jasalǵan taktıldi aleıa qarastyrylǵan. Ortalyq elementterdiń biri — sýburqaǵy, jaryqtandyrýy jáne «Bolashaqqa qadam» degen jazýy bar doǵaly kompozısıa bolady.
Sonymen qatar aýmaq kógaldandyrylady. Qazirgi tańda qurylys jumystary jalǵasýda.
«QADAM tujyrymdamasy qozǵalys, túrli faktýralar, dybys, sý jáne jaryq úılesimine negizdelgen. Tekserý qorytyndysy boıynsha Darhan Satybaldy bekitilgen kesteni saqtaýdy jáne qurylystyń barlyq kezeńderinde jumys sapasyn qamtamasyz etýdi tapsyrdy», — dep málimdedi Almaty ákimdiginde.
Buǵan deıin Kursiv LifeStyle Almatyda 250 keli qoqystan jasalǵan aleıa ashylǵanyn jazǵan bolatyn. Jańa nysan «Iýjnyı» saıabaǵynda Dúnıejúzilik qorshaǵan ortany qorǵaý kúni qarsańynda ashyldy.