Almatynyń Áýezov aýdanynda burynǵy turaq ornynda QADAM skveri boı kóterip jatyr. Qoǵamdyq keńistikti qazan aıynyń sońyna deıin ashý josparlanyp otyr, dep habarlaıdy infohub.kz saıty.
Ońtústik astana ákimdiginiń málimetinshe, Almaty ákimi Darhan Satybaldy jumys sapary barysynda Saın men Ýlýgbek kósheleriniń qıylysynda ornalasatyn skverdiń qurylys barysymen tanysty.
Ákimdik dereginshe, burynǵy turaq ornynda aýdany 0,35 ga zamanaýı skver salynýda. Ol aýdan turǵyndarynyń demalysyna, serýendeýine jáne belsendi ýaqyt ótkizýine arnalǵan jańa keńistikke aınalmaq.
Skverde túrli tabıǵı jabyndylary bar taktıldi aleıa, balalar alańy, júgirý joly, syrǵanaý jáne parkýr aımaqtary, serýendeý keńistikteri men jasyl jelek qarastyrylǵan.
Onyń basty elementteriniń biri — fontan, jaryqtandyrý jáne «Bolashaqqa qadam» degen jazýy bar arkalyq kompozısıa. QADAM tujyrymdamasy qozǵalys, túrli faktýralar, dybys, sý men jaryqtyń úılesimine negizdelgen.