Almaty ortalyǵynda Qala kúnine arnalǵan merekelik sharalarǵa baılanysty kólik qozǵalysyna ýaqytsha shekteý engiziledi. Birneshe kóshede qozǵalys ózgeredi, bul týraly megapolıs ákimdigi habarlady, dep jazady infohub.kz saıty.
Tóle bı jáne Qazybek bı kósheleriniń Abylaı han dańǵylynan Nazarbaev dańǵylyna deıingi bólikteri 17 qyrkúıekte saǵat 15:00-den 21 qyrkúıektegi 03:00-ge deıin jabylady.
Sonymen qatar, Tóle bı kóshesiniń Nazarbaev dańǵylynan Abylaı han dańǵylyna deıingi bóligi 17 qyrkúıekte saǵat 22:00-den 21 qyrkúıektegi 24:00-ge deıin tolyǵymen jabylady.
Osy kezeńde on avtobýs baǵytynyń qozǵalys sqemalary ýaqytsha ózgeredi: №16, 37, 48, 126, 201, 205, 206, 209, 210 jáne 224.
«№37, 48, 201, 206, 209, 210 jáne 224 baǵyttary shyǵys baǵytta Abylaı han dańǵyly, Qabanbaı batyr kóshesi jáne Nazarbaev dańǵyly arqyly, batys baǵytta Nazarbaev dańǵyly, Bógenbaı batyr kóshesi jáne Abylaı han dańǵyly arqyly júredi. №16, 126 jáne 205 baǵyttary da ýaqytsha ózgerip, jabylǵan bólikti Gogol, Qaldaıaqov, Jeltoqsan, Naýryzbaı batyr kósheleri jáne oǵan jalǵas magıstraldar arqyly aınalyp ótedi», — delingen habarlamada.
Qala turǵyndary men qonaqtarynan ýaqytsha shekteýlerdi eskerip, sapar baǵyttaryn aldyn ala josparlaýdy suraıdy.