Almatydaǵy Saına kóshesinde bólek jolaq iske qosylǵannan keıin qoǵamdyq kólik jyldamdyǵy artty, alaıda onyń ári qaraı jumysy týraly túpkilikti sheshim ázirge qabyldanǵan joq, dep habarlaıdy infohub.kz.
Rysqulov dańǵyly men Mustafın kóshesiniń aralyǵyndaǵy alty shaqyrymdyq Saına kóshesinde avtobýstarǵa arnalǵan bólek jolaq 20 maýsymda iske qosyldy. Alǵashqy monıtorıń nátıjeleri qoǵamdyq kólik qozǵalysyndaǵy ózgeristerdi kórsetti: tańǵy saǵattarda aralyqtardaǵy jyldamdyq 11,8 paıyzǵa, al kúndizgi ortasha jyldamdyq 18 paıyzǵa artty.
«Monıtorıńtiń aldyn ala nátıjeleri qoǵamdyq kólik qozǵalysynyń jyldamdyǵy men turaqtylyǵynyń jaqsarǵanyn kórsetip otyr», — delingen ákimdik habarlamasynda.
Qozǵalysty ońtaılandyrý jáne qaýipsizdikti arttyrý maqsatynda irgeles ýchaskelerde qatar aýystyrý kezindegi qaqtyǵystardy azaıtýǵa múmkindik beretin jınaqtaýshy jolaqtar uıymdastyrylǵany atap ótildi. Sonymen qatar, Saına kóshesiniń Rysqulov dańǵyly men Tóle bı kóshesi aralyǵyndaǵy ońtústik baǵyttaǵy ýchaskesinde jyldamdyq shekteýi 60 km/saǵ bolyp belgilendi.
Ákimdikte atap ótkendeı, jańashyldyqtyń avtomobıl trafıgine áseriniń tolyq kórinisin ázirge baǵalaý múmkin emes. Ol úshin, onyń ishinde oqý jylynyń bastalýymen kólik júktemesiniń ózgerýin eskere otyryp, qosymsha statısıka qajet.
«Bólek jolaqtyń tıimdiligine túpkilikti baǵa beıimdelý kezeńi aıaqtalǵannan keıin jáne jetkilikti kólemde statısıkalyq derekter jınaqtalǵannan keıin, onyń ishinde oqý jylynyń bastalýyna baılanysty kólik júktemesiniń maýsymdyq ósýin eskere otyryp beriletin bolady», — dep habarlady Almaty ákimdigi.
Monıtorıń jalǵasýda. Mamandar avtobýstardyń aralyq ýaqyty men turaqtylyǵyn da qadaǵalap otyr.
«Qazirgi kezeńdegi basty mindet — bólek jolaqtyń tıimdiligin jáne onyń qoǵamdyq kólikke de, Saına kóshesindegi jalpy kólik jaǵdaıyna da áserin obektıvti baǵalaý», — delingen habarlamada.
Bul ýchaskede qozǵalysty odan ári uıymdastyrý týraly túpkilikti sheshim ázirge qabyldanǵan joq. Eger baqylaý nátıjeleri ózgeristerdi qajet etse, jol qozǵalysy sqemasyna túzetýler engizilýi múmkin.