16 tamyzdan bastap Almatyda turǵyn úı aýlalaryna shlagbaým ornatýdyń jańa erejeleri kúshine endi. Endi olardy ornatý aýdandyq ákimdikpen kelisilýi tıis, dep habarlaıdy infohub.kz saıty.
Negizgi talaptardyń biri — shlagbaýmdar avtomatty túrde ashylýy kerek, bul arnaıy jáne komýnaldyq qyzmetterdiń ótýine kedergi jasamaýy úshin qajet.
Almaty qalasynyń jol qozǵalysyn uıymdastyrý jáne jolaýshylar kóligi basqarmasy turǵyndar shlagbaým ornatý týraly sheshimdi tek kondomınıým obektisiniń ortaq múlkine jatatyn jer ýchaskesinde ǵana qabyldaı alatynyn túsindirdi. Ol úshin úı-jaı ıeleriniń úshten ekisinen astamynyń kelisimi qajet.
«Shlagbaýmdardy ornatýdyń biryńǵaı tártibi arnaıy jáne komýnaldyq qyzmetterdiń kedergisiz ótýin qamtamasyz etedi. Turǵyndar shlagbaým ornatý týraly sheshimdi tek kondomınıým obektisiniń ortaq múlkine jatatyn jer ýchaskesinde ǵana qabyldaı alady. Ol úshin úı-jaı ıeleriniń úshten ekisinen astamynyń kelisimi qajet», — dep málimdedi basqarmada.
Turǵyndardyń sheshiminen keıin aýdandyq ákimdiktiń kelisimin alý qajet. Eger aýla ótpeli bolsa, máseleni qaraýǵa órtke qarsy qyzmet qyzmetkerlerin de tartýy múmkin.
Buǵan deıin «Kýrsıv» Almatyda komýnaldyq aqyly turaqtardy paıdalaný erejeleriniń ózgergenin jazǵan bolatyn. Qalada mınýtyna tólem engizilýde, al kóppáterli úı turǵyndary úıiniń janyndaǵy bir tegin turaq ornyn resimdeı alady.