Almatynyń Áýezov aýdanynda jyl basynan beri 192 stasıonarlyq emes saýda nysany buzylyp, stıhıalyq saýdanyń jeti iri núktesi tolyq joıyldy, dep habarlaıdy infohub.kz.
Bılik ókilderiniń málimetinshe, bul ýchaskelerde kıim, kókónis, sút ónimderi jáne gúlder zańsyz satylǵan. Jumystar Almaty ákiminiń tapsyrmasymen, belgilenbegen oryndarda saýda jasaýmen kúresý jáne qalany kóriktendirý erejelerin saqtaý aıasynda júrgizildi.
Ákimdikte satýshylarmen zań talaptaryn saqtaý qajettigi týraly túsindirme áńgimeler júrgizilgenin atap ótti.
Jyl basynan beri Áýezov aýdanynyń polısıasy QR ÁQBtK-niń 204-baby boıynsha 698 ákimshilik hattama toltyrdy. Aıyppuldardyń jalpy somasy 3,4 mln teńgeden asty.
Sonymen qatar, QR ÁQBtK-niń 505-baby boıynsha kóriktendirý erejelerin buzǵany úshin 1 386 hattama toltyrylyp, olardyń somasy 5,3 mln teńgeden asty.
Ákimdik stıhıalyq saýdany toqtatý jumystary jalǵasyp jatqanyn atap ótti.
Buǵan deıin almatylyqtar terenkýrdan satýshylardy alyp tastaýdy suraǵany habarlanǵan.