Almatynyń Áýezov aýdanynda stıhıalyq saýdanyń 7 iri núktesi joıyldy. Onda zańsyz kıim, kókónis, sút ónimderi men gúlder satylǵan. Bul týraly infohub.kz habarlaıdy.
Qala ákiminiń tapsyrmasymen belgilenbegen jerlerde saýda jasaýdyń aldyn alý jáne Almaty qalasynyń Abattandyrý qaǵıdalaryn saqtaý maqsatynda sharalar qoldanyldy. Satýshylarmen túsindirý jumystary júrgizilip, olarǵa zań talaptaryn saqtaý qajettigi eskertildi.
Áýezov aýdany ákimdiginiń habarlaýynsha, «Jyl basynan beri aýdandyq polısıa basqarmasynyń qyzmetkerleri QR ÁQBtK-niń 204-baby boıynsha 698 ákimshilik hattama toltyrdy. Aıyppuldardyń jalpy somasy 3,4 mln teńgeden asty». Sonymen qatar, QR ÁQBtK-niń 505-baby boıynsha 1386 hattama toltyrylyp, onyń somasy 5,3 mln teńgeden astam.
Sondaı-aq, jyl basynan beri Áýezov aýdanynda 192 stasıonarlyq emes saýda nysany bólshekteldi.