1 mamyrda Almatyda 60 sýburqaq iske qosylady, dep habarlaıdy infohub.kz.
Ákimdiktiń málimetinshe, qalada barlyǵy 66 sýburqaq bar, onyń altaýy qaıta jańǵyrtýda – «Baqbaq», «Aqqý», «Qyzǵaldaq», M.Áýezov atyndaǵy Qazaq ulttyq drama teatrynyń, Ál-Farabı atyndaǵy QazUÝ-dyń jáne QR memlekettik mýzeıiniń aldyndaǵy sýburqaqtar.
«Almaty – ortaq úıimiz» naýqany aıasynda sýburqaqtardyń tostaǵandary, túbi, qabyrǵalary tazartylyp, granıt plıtalary qalpyna keltirildi.
«Mamandar sýburqaqtardyń sándik elementterin boıady, elektr jabdyqtary men sorǵylarǵa, elektr jelilerine, sýmen jabdyqtaý jáne káriz jelilerine revızıa júrgizdi. Komýnaldyq qyzmet jetkizýshilerimen sýmen jáne elektrmen jabdyqtaý júıelerin qaıta iske qosý jumystary júrgizildi. Daıyndyq barysynda apatty ýchaskeler anyqtalyp, qazirgi ýaqytta sýmen jáne elektrmen jabdyqtaý ınjenerlik jelilerin qalpyna keltirý jumystary aıaqtalýda», – dep málimdedi Almaty ákimdiginiń baspasóz qyzmeti.
8 sáýirden 8 mamyrǵa deıin «Almaty – ortaq úıimiz» naýqany ótip jatyr. Onyń aıasynda qalada, taýlarda, ózender men kólderde qoqystardan tazartý, aǵash, gúl jáne butalardy kóptep otyrǵyzý, ǵımarattardyń qasbetterin jýý, shaǵyn arhıtektýralyq nysandardy, qorshaýlardy, balalar men sport alańdaryn jóndeý jáne boıaý jumystary júrgizilýde.
Buǵan deıin 1 mamyr – Qazaqstan halqynyń birligi kúninde Astanada da sýburqaqtar iske qosylatyny habarlanǵan bolatyn.