Keshe túnde Almaty taýlarynda qutqarýshylar adasyp qalǵan jigit pen qyzdy tapty. İzdeý-qutqarý jumystary 2600 metr bıiktikte júrgizildi, dep habarlaıdy infohub.kz saıty.
Jastar Almaty oblysynyń Qarasaı aýdanyndaǵy «Terra» alańy mańynda adasyp qalǵan. Jigit «112» nómirine qońyraý shalyp, seriktesimen birge joldan adasqanyn aıtqan. Telefonynyń zarády taýsylyp, kóp uzamaı baılanys úzilgen.
İzdeýge Almaty qalalyq monıtorıń jáne jedel reagırovanıe ortalyǵynyń qutqarýshylary dereý shyqqan. Nátıjesinde 2006 jyly týǵan jigit pen 2005 jyly týǵan qyz tabyldy. Qutqarýshylar olardy «Alma-Arasan» turaǵyna deıin jetkizdi. Olarǵa medısınalyq kómek qajet bolmady, olar úılerine ózdiginen ketti.
TJM qaýipsizdik erejelerin eske saldy: «Taýǵa shyǵar aldynda jaqyndaryńyzǵa marshrýtyńyzdy aldyn ala habarlańyz, aýa raıy boljamyn tekserińiz, tolyq zarádtalǵan telefon jáne syrtqy akýmýlátor alyńyz. Taýǵa jalǵyz shyqpańyz jáne qaýipsiz marshrýttardan aýytqymańyz».