Almaty taýlarynda qatty qulama boldy: Úlken Almaty kóliniń mańynda 2500 metr bıiktikten kólemi avtokólikteı tastar qulady, dep habarlaıdy infohub.kz saıty.
Oqıǵanyń kýágeri bolǵan týrıser beınejazbany túsirip, áleýmettik jelige jarıalady. Olardyń aıtýynsha, ashyq aýa raıyna qaramastan, taýdan kenetten tastar qulaı bastaǵan, sodan keıin aınalany qalyń shań basqan. Kýágerler qaýipsiz qashyqtyqta bolǵandyqtan, eshkim zardap shekpegenin atap ótti.
Áleýmettik jelidegi pikir bildirýshiler bul — tabıǵattyń eskertýi dep, qurylysty toqtatyp, tabıǵatty qorǵaýǵa shaqyrýda.
Tótenshe jaǵdaılar departamenti aqparatty rastady. Olardyń málimetinshe, №12 qar kóshkini jınaǵysh aımaǵynda taý betkeıiniń jartasty bóliginen tas qulaǵan. Qulamanyń sebepteri — taý jynystarynyń tabıǵı úgilýi, temperatýranyń ózgerýi jáne atmosferalyq jaýyn-shashynnyń áseri.
Qulaǵan tastar jolǵa jetken joq. Qaza tapqandar men zardap shekkender joq, eshqandaı qıraý tirkelmegen.
Buǵan deıin Nepal men Tıbet shekarasyndaǵy joıqyn tabıǵı apat týraly habarlanǵan bolatyn. 26 tamyzda Nepalda muzdyq qulap, saldarynan júzdegen adamnyń ómirin qıǵan qatty sý tasqyny boldy. Jyl saıyn myńdaǵan zıaratshylar rýhanı izdenis pen oı túıindeý úshin baratyn aımaq bir sátte apat aımaǵyna aınaldy.
Keıinirek Syrtqy ister mınıstrligi Nepal men Qytaı shekarasynda qazaqstandyq týrısi izdep jatqany belgili boldy. Aldyn ala málimet boıynsha, áıel týrısik top quramynda bolǵan jáne toppen birge Nepaldan Qytaı aýmaǵyna ótken.