Almatyda polısıa qyzmetkerleri áleýmettik jelidegi beınerolıkti anyqtap, onyń negizinde eki qyz ákimshilik jaýapkershilikke tartyldy, dep habarlaıdy infohub.kz saıty.
Vedomstvonyń málimetinshe, qamaýǵa 19 jáne 21 jastaǵy qyzdar túsken. Olar avtorynok aýmaǵynda TikTok áleýmettik jelisinde tikeleı efır júrgizip, bylapyt sózder aıtqan.
Osy fakti boıynsha eki qyzǵa qatysty ákimshilik is qozǵaldy. Sot sheshimimen buzýshylardyń árqaısysyna bes táýlikten qamaý jazasy taǵaıyndaldy.
«Qoǵamdyq keńistik, onyń ishinde áleýmettik jeliler men tikeleı efırler azamattardy qoǵamdyq tártipti buzǵany úshin jaýapkershilikten bosatpaıdy. Bul jaǵdaıda quqyqqa qaıshy áreket tirkelip, qatysýshylardyń jeke basy anyqtaldy, sodan keıin materıaldar sotqa joldandy. Ákimshilik jaza sharasy týraly sheshimdi sot qabyldady», — dedi Almaty qalalyq polısıa departamentiniń qoǵamdyq qaýipsizdik basqarmasynyń bastyǵy Tımýr Noǵaıbaev.
Polısıa áleýmettik jeliler jaýapkershilikten bos aımaq emes ekenin eske salady. Qoǵamdyq tártipti buzatyn jáne ákimshilik zańnama normalaryna jatatyn áreketter úshin tıisti jaza qarastyrylǵan.