Almatyda 6 qyrkúıekte Tóle bı kóshesinde sporttyq is-shara ótýine baılanysty júris-turys ýaqytsha shekteledi, dep habarlaıdy infohub.kz saıty.
Qala ákimdiginiń AlmatyJoly Telegram-arnasynda habarlaýynsha, 6 qyrkúıekte Almatyda GT Sport Fest sporttyq festıvali ótedi, ol Almaty qalasynyń kúnine arnalǵan. İs-sharanyń ótýine baılanysty Tóle bı kóshesiniń belgili bir bóliginde kólik qozǵalysy ýaqytsha shekteledi.
6 qyrkúıekte saǵat 00:00-den 23:00-ge deıin Tóle bı kóshesiniń Nazarbaev dańǵylynan Abylaı han kóshesine deıingi aralyǵynda júris-turys tolyǵymen jabylatyny habarlandy.
«Ýaqytsha shekteýler qatysýshylar men kórermenderdiń qaýipsizdigin qamtamasyz etý, sondaı-aq festıváldi uıymdastyrý men ótkizý úshin engiziledi. Júrgizýshilerden marshrýttaryn aldyn ala josparlaýdy jáne júris-turys sqemasyndaǵy ýaqytsha ózgeristerdi eskerýdi suraımyz», — dep eskertti ákimdikte.
Ákimdikte is-shara shamamen 1000 áýesqoı men kásibı sportshyny biriktiretinin qosty. Festıvál baǵdarlamasynda — strıtbol 3×3, kıbersport, breıkıng, BMX jáne avtoshoý.