Qazaqstan TJM bólimsheleri Almatydaǵy Alataý aýdany Tomırıs shaǵyn aýdanyndaǵy ákimshilik ǵımaratta shyqqan iri órtti sóndirýde, dep habarlaıdy Qumash.kz.
Órtke joǵary dáreje berildi. «Ornynda jedel shtab quryldy. Adamdardyń bar-joǵyna barlaý júrgizilip, bir mezgilde tóbe jabyny ashylyp, jasyryn janý oshaqtary tabylyp, joıylýda», — dep málimdedi qalalyq TJ departamenti.
Órt sóndirýshiler eki baǵytta jumys isteýde: negizgi oshaqty sóndirip, kórshi ǵımaratty ottyń taralýynan qorǵaıdy. Sýdy úzdiksiz berý úshin barlyq qoljetimdi ashyq sý kózderinen sý alý uıymdastyrylǵan. Zardap shekkender nemese qaza tapqandar týraly aqparat ázirge joq. Órt oqshaýlandy.