Almatyda polısıa qyzmetkerleri túngi pyshaqtasýǵa qatysty dep kúdiktelgen alty jasóspirimdi izin sýytpaı ustady, dep habarlaıdy inbusiness.kz qalalyq polısıa departamentine silteme jasap.
Tún ortasy shamasynda «102» púltine kóshede pyshaq ustaǵan bir top jasóspirimder týraly habarlama tústi. Polısıa qyzmetkerleri birneshe mınýt ishinde oqıǵa ornyna jetti.
Quqyq qorǵaý organdary janjal barysynda bir jasóspirimniń pyshaq jaraqatyn alǵanyn anyqtady. Baǵdar alyp, «Býran-308» ekıpajy alty kúdiktini jedel ustady.
Ustaý kezinde olardyń keıbireýiniń kıiminen qanǵa uqsas izder tabyldy. Sondaı-aq tergeý úshin mańyzy bar zattar alyndy.
Barlyq ustalǵandar Áýezov aýdanynyń polısıa basqarmasyna jetkizilip, onda tergeý amaldary júrgizilýde.
Qazirgi ýaqytta tergeýshiler oqıǵanyń tolyq hronologıasyn, janjaldyń sebepterin, ár qatysýshynyń rólin, sondaı-aq tikeleı pyshaq jaraqatyn salǵan adamnyń jeke basyn anyqtaýda.