Almatyda sıntetıkalyq esirtkini zańsyz saqtaý jáne taratýǵa kúdikti 40 jastaǵy er adam ustaldy. Jedel-izdestirý is-sharalary barysynda polısıa qyzmetkerleri 400-den astam orama belgisiz zatty tárkiledi. Onyń shyǵý tegin saraptama anyqtaıdy, dep habarlaıdy infohub.kz.
Ustalý Alataý aýdanynda boldy. Polısıa málimetinshe, «jeke tekserý kezinde odan ondaǵan daıyndalǵan orama tabyldy. Taǵy júzge jýyq osyndaı býmany polıseıler kúdiktiniń kóliginen tárkiledi».
Kúdiktiniń turǵylyqty jerinde tintý júrgizý kezinde quqyq qorǵaý organdarynyń qyzmetkerleri zattar, elektrondy tarazy, oraý materıaldary jáne oraýǵa qoldanylǵan basqa da buıymdardy tapty. Sonymen qatar, «qala aýmaǵynda jabdyqtalǵan bes tasadan polısıa qyzmetkerleri saraptamalyq zertteýge jiberilgen taǵy úsh júzden astam orama zatty anyqtap, tárkiledi», — dep qosty polısıa.
Osy fakt boıynsha sotqa deıingi tergeý júrgizilýde. Polıseıler tárkilengen zattardyń shyǵý tegin anyqtap, olardyń taratý joldaryn jáne istiń ózge de mán-jaılaryn tekseredi.