30 tamyzda Qazaqstanda ýchaskelik polısıa ınspektorlary qyzmetiniń qurylǵan kúni atap ótiledi. Bıyl bul kásibı mereke erekshe mánge ıe boldy, dep habarlaıdy infohub.kz.
Kóp jyldar boıy 30 tamyz eń aldymen Qazaqstan Respýblıkasynyń Konstıtýsıa kúnimen baılanysty boldy, sondyqtan ýchaskelik ınspektorlardyń kásibı merekesi is júzinde basty memlekettik merekeniń kóleńkesinde qaldy. Bul kúni ýchaskelik ınspektorlar ádette demalmaı, merekelik is-sharalar kezinde qoǵamdyq tártip pen azamattardyń qaýipsizdigin qamtamasyz etip, qyzmet atqaratyn. Endi 30 tamyz ýchaskelik qyzmet qyzmetkerleriniń derbes kásibı kúni retinde qabyldanýy múmkin.
Mereke qarsańynda Almaty polısıa departamentinde ýchaskelik polısıa ınspektorlaryna arnalǵan saltanatty is-shara ótti. Almaty polısıa departamentiniń bastyǵy, polısıa general-maıory Aıdyn Qabduldınov qyzmetkerlerdi kásibı merekemen quttyqtap, ýchaskelik ınspektorlardyń qoǵamdyq tártipti qamtamasyz etýdegi jáne quqyq buzýshylyqtardyń aldyn alýdaǵy erekshe rólin atap ótti.
Ol qazirgi ýchaskelik ınspektor jasalǵan quqyq buzýshylyqtarǵa ýaqytyly den qoıýmen qatar, olardyń aldyn alýǵa, halyqpen turaqty dıalog júrgizýge jáne azamattardyń polısıaǵa degen senimin nyǵaıtýǵa tıis ekenin atap kórsetti. Basshynyń aıtýynsha, bekitilgen aýmaqtaǵy kúndelikti jumys problemalardy ýaqytyly anyqtaýǵa jáne janjaldy jaǵdaılardyń damýyna jol bermeýge múmkindik beredi.
İs-shara barysynda qyzmet qorytyndysy boıynsha joǵary nátıjelerge qol jetkizgen, adaldyq pen kásibılik tanytqan Almatynyń úzdik ýchaskelik ınspektorlary atalyp ótildi. Qyzmetkerlerge vedimistik nagradalar men estelik syılyqtar tabystaldy.
Polısıa qyzmetkerleriniń ata-analaryna erekshe nazar aýdaryldy. Olarǵa zań men azamattardyń qaýipsizdigin qorǵaýǵa baılanysty jaýapty mamandyqty tańdaǵan ul-qyzdaryn tárbıelegeni úshin alǵys bildirildi.
İshki ister organdarynyń ardagerleri de jyly lebizderin bildirdi. Aǵa býyn ókilderi kásibı tájirıbelerimen bólisip, qyzmetkerlerge tózimdilik, ustanymdylyq, joǵary kásibılik pen qyzmettik boryshqa adaldyq tiledi.