Almatynyń Alataý aýdanynda Úlken Almaty kanalynyń jaǵalaýynda salynatyn «Uly dala» skveriniń eskızderi usynyldy, dep habarlaıdy infohub.kz saıty.
Alataý aýdanynyń ákimi Danıar Kırıkbaev óńirlik komýnıkasıalar qyzmetindegi brıfıńte aıtqandaı, Saıaly shaǵyn aýdanynda Aq-Qaınar kóshesiniń qıylysynda, Úlken Almaty kanalynyń boıynda sensorlyq soqpaǵy bar «Uly dala» skverin abattandyrý jumystary qazirdiń ózinde júrip jatyr. Onyń aıtýynsha, jobanyń quny — 273,2 mln teńge.
«Joba aıasynda dekoratıvti jaryǵy bar jeńil sáýlet qurylymdaryn, art-nysandar men jaryq tireýishterin ornatý kózdelgen. Sonymen qatar aǵash pen buta otyrǵyzý, avtomattandyrylǵan sýarý júıesin ornatý jáne ózge de ilespe jumystar josparlanǵan», — dedi ákim.
Skverdiń jalpy aýdany — 1,2 ga.