Almatynyń Jetisý aýdanynda jańa Eko-Hab jumysyn bastady. Bul — qaladaǵy turǵyndar qaldyqtardy bólek tapsyra alatyn úshinshi alań. Keńistik «Jetisý-2» jastar komúnıtı-ortalyǵynda ashyldy, dep habarlaıdy infohub.kz saıty.
Buǵan deıin mundaı qaıtalama shıkizat qabyldaý pýnktteri Markov kóshesi, 44 mekenjaıynda jáne Satbayev University-de paıda bolǵan edi. Jańa aýmaqqa qaldyqtardy bólek jınaýǵa arnalǵan 10 konteıner ornatyldy.
Aýdan turǵyndary plasık, alúmını, qaǵaz jáne odan ári qaıta óńdeýge jaramdy basqa da materıaldardy tapsyra alady. Sonymen qatar, alańda sheberlik sabaqtaryn, kezdesýler men ekologıalyq aksıalar ótkizý, ekoaktıvıster men volonterlerdi jınaý josparlanýda.
«Jańa Eko-Hab ekologıalyq bastamalar, aǵartý is-sharalary jáne qaldyqtardy bólek jınaý úshin turaqty jumys isteıtin alańǵa aınalady», — dep jazady ákimdikte.
Eko-Habta qaıtalama shıkizattyń túrli túrleri qabyldanady. Munda plasık bótelkeler men qaptamalar, sýsabyn jáne turmystyq hımıa flakondary, paketter men strech-plenka, shyny bótelkeler men bankiler, alúmını jáne qańyltyr bankiler, karton men makýlatýra tapsyrýǵa bolady. Sondaı-aq munda dári-dármekterdiń blısterleri men flakondary, batareıalar jáne býkkrossıng úshin jaqsy jaǵdaıdaǵy kitaptar qabyldanady.
Buǵan deıin Kursiv LifeStyle Almatyda qaıta óńdelgen plasıkten jasalǵan oryndyqtary bar aleıa paıda bolǵanyn jazǵan bolatyn.