27-nen 28-ine qaraǵan túni Almaty Museum of Arts (ALMA) murajaıynyń qasbeti túrli-tústi sheńberlerden turatyn púlstik kenepke aınaldy — Almatyda japondyq aty ańyzǵa aınalǵan sýretshi Iaóı Kýsamany osylaı eske aldy, dep habarlaıdy infohub.kz saıty.
Murajaıdan túsindirgendeı, sheńberler — Kýsama shyǵarmashylyǵyndaǵy eń tanymal motıvterdiń biri.
Iaóı Kýsama 14 tamyzda Tokıoda 98 jasynda qaıtys boldy. Ol qazirgi zamannyń eń tanymal sýretshileriniń birine aınaldy. Onyń týyndylary sheksizdik, keńistik jáne ónerdi qabyldaý taqyryptarymen baılanysty.
Almaty Museum of Arts — Ortalyq Azıa men TMD-daǵy Kýsamanyń týyndylary turaqty koleksıaǵa engen jalǵyz murajaı.
Qazir kelýshiler onyń 2013 jyly jasalǵan LOVE IS CALLING ınstallásıasyn kóre alady. Ol áıgili Infinity Mirror Rooms sıkline kiredi. Keńistik ishinde núkteli jarqyraǵan pishinder bar, al sýretshiniń daýysy mahabbat, máńgilik jáne adam ómiri týraly óleń oqıdy.
2027 jyly murajaı koleksıasynda Kýsamanyń taǵy bir týyndysy paıda bolady — 2023 jylǵy Aspiring to Pumpkin’s Love, the Love in My Heart qola músini. Ol sýretshiniń eń tanymal beıneleriniń biri — asqabaqqa arnalǵan.
ALMA-da qasbettegi jaryq proeksıasy Kýsamanyń týyndylaryn kóshirmeıtinin atap ótti. Ol sýretshini eske alý úshin, onyń shyǵarmashylyǵy men sheksizdik taqyrybynan shabyttanyp, arnaıy jasalǵan.
«Iaóı Kýsama álemge qarapaıym formalarda sheksizdikti kórýdi, al ónerden em tabýdy úıretti. Onyń shyǵarmashylyǵyn bizdiń aımaqta usynatyn ınstıtýt bolý — úlken artyqshylyq pen jaýapkershilik», — dedi ALMA komýnıkasıalar jónindegi jetekshisi Gaýhar Sátpaeva.
Onyń aıtýynsha, jaryq proeksıasy týyndylary men daýysy murajaıda ómir súrýin jalǵastyryp jatqan sýretshige qurmet belgisi boldy.