Almatyda 16 shildede jańa temperatýra rekordy tirkeldi – aýa +38 gradýs Selsıge deıin jylydy. Bul osy kúnge deıingi eń joǵary kórsetkish 1976 jyly tirkelgen bolsa, qazirgi kórsetkish odan asyp tústi, dep habarlaıdy infohub.kz.
Almaty jáne Almaty oblysy boıynsha meteorologıalyq boljamdar bóliminiń bastyǵy Dáýlet Kısebaevtyń aıtýynsha, qaladaǵy aýa temperatýrasy +38 gradýsqa jetken. «16 shildedegi aldyńǵy maksımým 1976 jyly tirkelgen edi. Termometr baǵandary sol kezde +36,1 gradýsqa kóterilgen bolatyn, alaıda búgingi kórsetkish odan joǵary», – dedi ol.
Osy kúnge arnalǵan jańa rekordqa qaramastan, Almatydaǵy shilde aıynyń absolútti temperatýra maksımýmy ázirge ózgerissiz qaldy. Ol 1983 jyly tirkelgen +43,4 gradýsty quraıdy.